Liga e Kampioneve për vajza/ Vllaznia pjesë e grupit 2, në gjysmëfinale përballet me WFC Lanchkhuti
![](https://sportiim.al/wp-content/uploads/2024/07/vllaznia-femra-short-24-1024x683.jpg)
Vllaznia e vajzave njohu këtë të premte emrat e tre ekipeve rivale të raundit të parë të Ligës së Kampioneve për këtë edicion. Shorti i hedhur ditën e sotme nga UEFA në Nyon të Zvicrës i vendosi shkodranet në grupin 2, së bashku me WFC Lanchkhuti e Gjeorgjisë, SKN St. Pölten e Austrisë dhe Neftçi PFC e Azerbajxhanit.
Në gjysmëfinale, Vllaznia e vajzave do të përballet me WFC Lanchkhuti ndërsa ndeshja tjetër e grupit ka rezervuar përballjen mes St. Pölten dhe Neftçi PFC. Dy fitueset e dala nga këto dy ndeshje do të luajnë një finale me njëra-tjetrën dhe vetëm një prej tyre do të avancojë për në raundin e dytë.
Ndeshjet gjysmëfinale të grupit do të luhen më datë 4 shtator ndërsa dy finalet për vendin e tretë/katërt dhe vendin e parë/dytë do të luhen më datë 7 shtator. Mbetet për t’u përcaktuar vendi se ku do të zhvillohen katër ndeshjet e këtij grupi./FSHF/
![](https://fshf.org/wp-content/uploads/2024/07/Liga-e-kampioneve-per-vajza-scaled.jpg)