Dinamo shkëlqen ndaj Skënderebut, një pikë larg…
Abissnet Superiore, Java 29:
Dinamo – Skënderbeu 2-0 (Kaçorri 3′, Qefalija 82′)
Nga Sara Gjidiaj
Është mbyllur java e 29-të Abissnet Superiore me duelin Dinamo – Skënderbeu luajtur në “Niko Dovana”. Skuadra kryeqytetase siguroi 3 pikët falë fitores në shifrat 2-0.
Nis me gol sfida pasi Kaçorri nuk priti më shumë se 3 minuta për të kaluar përpara ekipin e tij. Shumë raste të krijuara edhe nga korçarët të cilët nuk shkuan dot te finalizimi.
Një gol edhe në limitet e pjesës së dytë për të vulosur gjithçka në favor të dinamovitëve. Qefalija është autori i golit në minutën e 82′-të duke fikir kështu shpresat e Skënderbeut për të dalë me pikë.
Pavarësisht humbjes, Skënderbeu ruan vendin e katërt me 40 pikë, ndërsa Dinamo siguron atë të gjashtin me 39 pikë. Këta të fundit kanë dhe një ndeshje të prapambetur ndaj Teutës.
