Gyler/ Ançeloti gati ta përfshijë në skuadër
Real Madridi e ka pritur gjatë, teksa koha e minutave zyrtarë në fushë ka ardhur. Arda Guler, talenti turk i kërkuar nga gjysma e Europës në merkaton e fundit të transferimeve, është gati të bëhet protagonist i skuadrës së Ançelotit.
Pas dëmtimit të dyfishtë të pësuar në fillim të sezonit, ish-lojtari i Fenerbahçes është rikthyer në punë në grup dhe “sheh” thirrjen e tij të parë në një grumbullim me Realin.
Me gjasë Karleto do të listojë që nga sfida me Seviljen, gjithnjë nëse rreziku i rikthimit të dëmtimit është zero. Ndryshe, një aktivizim i tij përkon në ndeshjen e Ligës së Kampionëve kundër Sporting Bragës, dhe më pas për El Clasicon e 28 tetorit. Me dy lëndime dhe 103 ditë pritjeje, Guler sheh dritën në fund të tunelit.