Dominon Egnatia, ‘poker’ Kukësit në udhëtim
Abissnet Superiore, Java 2:
Kukësi – Egnatia 0-4 (Paulaskas 19′, Duamena 28′, 48′, Isgandarli 56′)
Egnatia shkatërron Kukësin në shtëpinë e këtij të fundit duke e mposhtur në shifrat 0-4. Ishte kjo një tjetër ndeshje e xhiros së dytë Abissnet Superiore që u mbyll mes spektaklit të golave dhe surprizave.
Dominim i dukshëm i miqve gjatë 90 minutave lojë në “Kukës Arena” me verilindorët që dorëzohen përballë rrogozhinasve të pamëshirshëm.
Seria e golave nis me Paulaskas në minutën e 19′-të, për të vijuar me dygolëshin e Duamenas dhe për të vulosur me debutuesin Isgandarli që fikson shifrat në 0-4.
Shumë pak shenja reagimi nga vendasit të cilët do të mund të çajnë vetëm një herë rrjetën e Sherrit por gjithçka konsiderohet e parregullt dhe Egnatia udhëheq sërish pastër ndaj Kukësit.
Kështu, skuadra e Hallaçit pëson humbjen e dytë radhazi duke treguar sërish se nuk është në momentin e saj më të mirë, ndërsa rrogozhinasit gëzojnë 3 pikët e para në kampionat me këtë fitore të thellë.