Bejzade zhvillon seancën e parë me Laçin, tre lojtarë ‘ia merr’ Bushi
Skerdi Bejzade drejtoi sot seancën e parë me Laçin. Trajneri i ri i bardhezinjëve teksa mori vendin e Nicës pas javës së parë të Abissnet Superiore pati një prezantim të thjeshtë dhe menjëherë në punë.
Ndërkaq ish sulmuesi i Partizanit dhe Elbasanit të famshëm, pritet ta nisë në malore aventurën e re trajnuese. Nga lista e kurbinasëve për shumë ditë ai nuk do mund të ketë në dispozicion tre futbollistët e listuar nga Alban Bushi për grumbullimin me U21 kuqezi.
Futbollistët e Laçit; Ajdi Dajko, Stiven Bibo dhe Agan Mjaki janë përfshirë te Kombëtarja e Bushit për ndeshjet kualifikuese me Armeninë dhe Rumaninë U21.
Sakaq, për Mjakin nuk pati vend në javën e parë (Laçi-Erezni 3-3) pasi lojtari duket se ka ende probleme dokumentacioni me klubin e Groningenit (Holandë).