Laçi kthehet në shtëpi, miqësore me Vorën

Nga Sporti Im 11 muaj më parë

Nesër Laçi do të kthehet në shtëpi. Nica ka planifikuar menjëherë një tjetër test miqësor…

Laçi larg ‘zhurmës’ mediatike u stërvit për disa ditë në Ohër të Maqedonisë së Veriut. Me risitë e një organizimi thuajse nga e para, klubi bardhezi pritet të jetë sërish një ndër protagonistet e Abissnet Superiore për edicionin e ri numër 85, që starton më 19 gusht.

Me Stavri Nicën dhe Eduart Tanushin në timon, bardhezinjtë zhvilluan dy teste miqësore në tokën fqinje teksa fillimisht u mundën 1-0 nga Voska Sport (skuadër e ngjitur këtë sezon në Prva Liga) ndërsa dje barazuan 1-1 me Malishevën e Superligës kosovare.

Ndërkohë, nesër Laçi do të kthehet në shtëpi. Nica ka planifikuar menjëherë një tjetër test miqësor pasi në stadiumin ‘Laçi’ këtë të shtunë, viziton Vora e trajnerit Artan Mërgjyshi. Kjo miqësore është planifikuar të nisë në orën 18:00./ Sportiim.al/

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!