Pas pak java e 33-të, derbi zgjon kryeqytitin
Derbi i madh i kryeqytetit Tirana-Partizani do të mbyllë javën e 33-të Abissnet Superiore. Kjo supersfidë është parashikuar nga Departamanti i Garave në FSHF për t’u zhvilluar sot në mbrëmje me start orën 18:30.
Në “Air Albania Stadium”, të dyja skuadrat në kërkim të tri pikëve aq të domosdoshme për të vendosur ndjeshëm në titullin kampion të sezonit futbollistik 2022-2023. Kryeson Tirana me 59 pikë, ndërsa Partizani pozicionohet i dyti me 57-të tilla.
Sidoqoftë, derbi numër 170-të i gjën skuadrat me morale të ndyshëme. Bardheblutë vijnë pas asaj humbjeje shokuese në Durrës me Teutën (2-1) dhe një numër të lartë futbollistësh që nuk mund të aktivizohen në këtë sfidë.
Te të kuqtë, situata duket më ndryshe. Skuadra e Kolelës mposhti 3-1 Kukësin dhe në fushë do të ketë gjithë arsenalin e mundur. Me tri derbe sezonale të luajtura (dy fituar nga Partizani e një nga Tirana), ky i fundit përpos antagonizmit legjitim, mbart me vete dhe misterin e kërkesës për pikë.
Fitorja e Tiranës do të ‘vriste’ çështjen titull, ndërsa e kundërta do të afronte Partizanin ndjeshëm me titullin e 17-të në histori. Kjo supersfidë i është besuar gjyqtarit Kreshnik Cjapi.
Ndërkohë java do të nisë pas pak në orën 15:00. Kukësi- Laçi, Vllaznia-Teuta, Erzeni- Bylis dhe Kastrioti- Egnatia, të tjera finale të mëdha të aktit të 33-të.
Abissnet Superiore, java e 33-të:
15:00
Kukësi- Laçi
Vllaznia-Teuta
Erzeni- Bylis (në Durrës)
Kastrioti- Egnatia (në Elbasan)
18:30
Tirana- Partizani/Sportiim.al/
