Vllaznia nis me Erzenin, Partizani në Elbasan
- Start në fusha neutrale për dy pritëset e ditës së sotme. Erzeni në Durrës pret shkodranët ndërsa Partizani gjën ‘mesin e artë’ ndaj Egnatias…
Nga: Erga Kenga
Pas premierës së sezonit me Kukësi- Tirana (1-1) luajtur të premten në ‘Kukës Arena, edicioni i 84-ët i Abissnet Superiore, vijon sot me dy takime të tjera nga 5 të parashikuara.
Rikthim pas 19 viteve mungese në Superiore për Erzenin e Shijakut i cili gjën strehë në “Niko Dovana” për të pritur Vllazninë në takimin zyrtar me orarin e përcaktuar 17:00. Formacioni shijakas i konturuar nga tekniku i tyre Xhevahir Kapllani për tu parë…
Ndërkaq sipas Josës, fytyra e re e kuqebluve sot do të jetë e destinuar të privohet nga dy mungesa kryesore. Bulatoviç dhe Aralaica vuajnë dëmtimet ndërsa afrimi i fundit Esat Mala, ende peng i dokumentacionit.
Pak më vonë në orën 19:30, takimi tjetër i ditës, vjen nga “Elbasan Arena”. Partizani për herë të parë me Xhovani Kolelën në timon, do duhet të “deshifrojë” jo vetëm fizionominë e skuadrës së re të kuqe por dhe atë të rivalit nga Rrogozhina.
Në fakt, sikundër Kolela edhe trajneri i Egnatias Edlir Tetova e ka absolutisht debutim. Me të veçantën e madhe se ky sezon për ekipin e presidentit Agim Demrozi duket i gjithi i ribërë.
Ndeshjet e javës së parë ‘Abissnet Superiore’:
Sot (e shtunë):
Erzeni- Vllaznia 17:00 (në ‘Niko Dovana’)
Partizani-Egnatia 19:30 (në ‘Elbasan Arena’)
Të dielën:
Laçi- Teuta 17:00
Bylis- Kastrioti 17:00
Kukësi- Tirana 1-1 (luajtur të premten)