Autobuzë dhe bileta për tifozët, Xhaferi ka premio speciale…
Presidenti i Vllaznisë Alban Xhaferi, ka deklaruar se skuadra e tij do kishte shpëtimin sezonal vetëm nëse fiton Kupën e Shqipërisë në 31 maj ndaj Laçit.
Me vendin e 5 në renditjen përfundimtare në kampionat, Vllaznia e ka domosdoshmëri trofeun në mënyrë që kuqeblutë të bëhën pjesë e Ligës së Konferencës për sezonin 2022-23.
Në këtë pikë, vetë kreu i klubit ka marrë masat paraprake. Fillimisht afroi ish trajnerin e Laçit Mirel Josën për stolin e më pas përmes faqes zyrtare të Vllaznisë, njoftoi se do vendosë autobuzë falas për tifozët por dhe bileta në dispozicion nga Shkodra (kundrejt vlerës).
Megjtihatë lajmi i bujshëm lidhet me shpërblimin në rast fitorejeje të finales.
Sipas ‘Panorama Sport,’ do të jenë 100 milionë lekët e vëna në dispozicion të futbollistëve dhe stafit nga presidenca shkodrane.
Njoftimi i Klubit:
“Presidenti i Klubit të Futbollit Vllaznia z.Alban Xhaferi, për t’i ardhur në ndihmë tifozëve shkodranë të cilët dëshirojnë të ndjekin finalen e Kupës së Republikës së Shqipërisë, Vllaznia – Laçi, të martën, ora 19.00, datë 31 Maj 2022, në stadiumin “Air Albania”- Tiranë, ka vendosur në dispozicion, autobuza falas. Ju njoftojmë se nisja do të bëhet ditën e martë 31 Maj 2022, në orën 14.00, pranë sheshit të teatrit Migjeni, Shkodër”.