Vllaznia thyen Partizanin, korçarët kalojnë Egnatian
Shkodër:
Vllaznia- Partizani 1-0 (Latifi 28′)
Vllaznia vijon të dhurojë ndeshje me rendimet, këtë mbrëmje thyen Partizanin e oshilacionëve të mëdha në shifrat 1-0. Gjithëçka ka ndodhur në minutën e 28-të kur Liridon Latifi ka përfituar nga një top i kthyer nga portieri Teqja e shtylla dhe ka depozituar në rrjetë.
Në pjesën e dytë, Partizani u përpoq më shumë por nuk ia doli dot të mbërrijë te goli. Madje dhe kur Vllaznia mbeti me 10 lojtarë pas daljes me të kuq të Krymit. Skuadra e Ilir Dajës, pas katër ndeshjeve produktive ndalet në Shkodër.
Korçë:
Skënderbeu- Egnatia 2-0 (Mensah 47′, E. Berisha 86′)
Në stadiumin ‘Skënderebeu’ skuadra vendase me të njëtin emër, arriti të fitojë duelin e drejtpërdrejtë të zonës poshtë ndaj Egnatias e cila për herë të parë u drejtua në pankinë nga Zekirija Ramadani.
Rastet e paraqitura në pjesën e parë nga Zguro, Berisha për korçarët dhe Valport për rrogozhinasit, shërbyen për të nisur vrullshëm një pjesë të dytë me dy gola përcaktues për Skënderbeun. Fillimisht Mensah në të 47′-ën dhe në fund Elvi Berisha me një supergol, i dhanë Skënderbeut tri pikë të vyera për ecurinë në elitë. /Sportiim.al