Laçi mbërrin te fitorja, Teuta kalon në fund
Java e 6- të Abissnet Superiore:
Kamëz:
Kastrioti- Laçi 0-1 (Mazrekaj 72′)
Kastrioti nuk ia del të marrë rezultatin e dytë pozitiv në shtëpi. Përballë pas suksesit me korçarët, sot, pati Laçin i cili këtë sezon ende nuk kishte fituar. Ecejaket e kurbinasëve teksa si trajner i parë u prezantua Sero Noka duket se marrin fund vetëm në fraksionin e dytë.
Një harkim i Roganoviç në të 72-tën shkon te Guindo i cili i penguar në zonë nuk arrin të devijojë. Ndjek Mazrekaj në një ditë jo aq të mirë dhe “lan” vetën. Goditja klasike, shkon në rrjetë 0-1.
Përgjithësisht një ndeshje e luajtur me ritëm. Ndonëse bardhezinjtë ishin më prezent, kryesisht në pjesën e dytë, rastet ishin thuajse të barabartë.
Rrogozhinë:
Egnatia- Teuta 0-1 (Kallaku 80′ pen)
Skuadrës durrsake i ka mjaftuar penalltia e shndërruar në gol në minutën e 80′ nga kapiteni Sherif Kallaku.
Nuk e ka patur aspak të lehtë. Teuta në udhëtim, vuajti jo pak për fitoren ndaj rrogozhinasëve. Dueli ishte për shumë minuta i balancuar. Kryesisht në pjesën e dytë pai e para ofroi shumë raste të humbura nga Pedro Augusto.
Megjithatë,Teuta arrin te tri pikët në fushën e Egnatias duke shënuar nga pika e bardhë e penalltisë pikërisht në fund. Një triumf që e kthen te fitorja skuadrën e drejtuar nga Edi Martini pas asaj humbjeje ndaj Tiranës javën e kaluar në stadiumin “Elbasan Arena”.
Teuta pas tri pikëve të sotme ndaj Teutës ngjitet në vendin e dytë në kuotën e 11 pikëve, po aq sa Tirana e vendit të parë e cila pret Partizanin të hënën.
