Ronaldo? Rekordin e mban Toti
● Si sot më 30 shtator 2014, Francesko Toti hyri në histori duke u bërë lojtari më i vjetër që ka shënuar ndonjëherë në Ligën e Kampionëve.
Përgatiti: Isuf Myrtaj
Ronaldo shënoi të mërkurën golin e triumfit (Junajtid-Vijareal) duke treguar se mosha 36 vjeçare e një kampioni të tillë, nuk vlen. Por pikërisht si sot, më 30 shtator 2014 Francesko Toti hyn në histori duke u bërë lojtari më i vjetër që ka shënuar ndonjëherë në Ligën e Kampionëve.
Ndodhi në ndeshjen e fazës së grupeve kundër Mançester Sitit në stadiumin Etihad. Kapiteni legjendar i Romës shënoi ndaj ‘Qytetarëve’ duke qënë 38 vjeç e 3 ditë.
Italiani ka thyer kështu rekordin e Rajan Gigs, i cili më 14 shtator 2011 kishte vendosur rekordin duke shënuar me 37 vite e 289 ditë mbi supe.
Me një goelador me permasa botërore si Kristiano Ronaldo ende në aktivitet teksa ka thyer çdo rekord, Toti ndihet krenar me arritjen e tij. Së paku çdo 30 shtator…