Shqipëria mbyll Olimpiadën, Gega e 13-ta
Luiza Gega mbyll e 13-ta në vrapimin 3000 metra me pengesa në ‘Tokio 2020’. Një garë e cila nisi jo mirë dhe u mbyll e tillë me atletën shqiptare e cila duhet përgëzuar për pjesëmarrjen.
Në këtë finale e para për Shqipërinë, rivalet ishin dukshëm superiore.
Ugandezja Çemuntai arriti medaljen e artë. E dyta u rendit surprizisht amerikanja Frerish ndërsa e treta Kiyeng nga Kenia.Gega erdhi në finish teksa pas shpine la vetëm dy atlete dhe një të tretë që u tërhoq nga gara.
Kësisoji, nëse merret si sukses arritja për të kapur finalen, Shqipëria në këtë Olimpiadë dështoi totalisht. Nga 9 sportistët kuqezinj, ai që bëri mjaftueshëm mirë ishte shtangisti Briken Calja (vendi i 4). Skandali me mungesën e trajnerit të tij, ka hyrë turpshëm në librin e një Olimpiade.
