Shkarkohet Duro, klubi në komunikatë
Klodian Duro zyrtarisht nuk do të jetë më trajner i skuadrës së Feronikelit. Lajmi vjen pas humbjes së pësuar në transfertë me Dritën e Gjilanit.
Javën e kaluar një punonjës i klubit i kërkoi ‘Live’ në konferencë për shtyp të vetëlargohej nga Feronikeli ndërsa sot pas humbjes me Dritën 3-1, klubi, nëpërmjet kësaj komunikate për media, lajmëron se ka mbyllur me Klodian Duron.
Njoftimi:
Duke qenë se FC Feronikeli u eliminua edhe nga Kupa e Kosovës dhe duke mbetur shumë mbrapa me pikë në tabelën e Superligës së Kosovës, një ndryshim ishte tejet i nevojshëm, prandaj Kryesia e FC Feronikelit e pa të arsyeshme ndërprerjen e bashkëpunimit me trajnerin, Klodian Duro”.
“FC Feronikeli falënderon trajnerin, Klodian Duro dhe i dëshiron sukses në karrierën e tij të mëtutjeshme”.