Bullgaria kthen tifozët, Borisov në Plovdiv
Kryeministri bullgar Bojko Borisov premtoi kthimin e tifozëve për gjysmën e dytë të sezonit me garën për titullin kampion dhe play off-et për Europën.
“Do të ishte mirë të shihnim një numër të caktuar tifozësh të ktheheshin në tribuna, veçanërisht kur të fillojë playoff-i. Ne kemi gati rregullat e reja dhe do të shohim nëse mund t’i zbatojmë ato bazuar në progresin e virusit“,shpjegoi Borisov duke vizituar punimet e stadiumit të ri në Plovdiv.
Një lehtësim i masave shëndetësore është planifikuar në 29 prill dhe deri atëherë do kuptohet më mirë nëse tifozët do të kthehen në tribuna për të ndjekur në ndeshjet.