Kosova me risi, të dielën starti i kualifikuesëve
Të dielën në 28 mars (20:45), Kosova nis fushatën kualifikuese në Grupin B të Botërorit në ‘Fadil Vokrri’ ndaj Suedisë.
Në prag të ndeshjes me Suedinë për kualifikueset e Botërorit ‘Katar 2022’, Bernard Shaland trajneri i Kosovës, ka punuar sot me skuadrën përfaqësuese në fushën e Kampit Nacional Edukativ në Hajvali.
Kosova pret të dielën skandinavët e Suedisë dhe për Dardanët kjo sfidë merr shumë përparësi për vetë faktin se përkon me duelin e parë në GrupinB.
FFK ka shkruar në zyrtare:
‘Kombëtarja e Kosovës ka vazhduar përgatitjet për ndeshjen e parë kualifikuese për Botërorin “Katar 2022”. Dardanët kanë zbritur të premten në fushën e Kampit Nacional Edukativ në Hajvali për stërvitjen e radhës’- shkruan FFK.
Ndërkaq, Kryeministri i vendit, Albin Kurti e ka vizituar sot ekipin Kombëtar të Kosovës në hotel “Emerald”. Kryeministri i sapozgjedhur Albin Kurti takoi futbollistët dhe trajnerin Shaland ndërsa më pas ka zhvilluar një takim edhe me presidentin e FFK-së Agim Ademi.