Devolli ikën nga Drenica, sot dy sfida…
Dukagjini realizoi surprizën të mërkurën teksa mundi Drenicën minimalisht 1-0, ndërsa Prishtina fitoi në penallti ndaj Feronikelit. Por sot janë dhe dy takime të tjera në program për Kupën e Kosovës.
Eleminimi i Drenicës por dhe ecuria e dobët në kampionat, ka bërë që Bledar Devolli të kërkojë dorëheqjen si trajner i skuadrës. Ajo është pranuar nga krerët e klubit.
“Trajneri Bledar Devolli, pas takimit me presidentin e klubit z. Ilir Veliqi, ka paraqitur dorëheqje e tij të parevokueshme, pas eleminimit nga Kupa e Kosovës, në çerekfinale, nga Dukagjini i Klinës.Presidenti i klubit, pasdite aprovoi dorëheqjen e trajnerit Devolli, dhe sot përfundon angazhimi i trajnerit gjirokastrit në klubin tonë.
Ne e falenderojmë Bledar Devollin për punën dhe angazhimin në klub gjatë gjithë kësaj kohe. Klubi i uron suksese Devollit në angazhimet e tij të radhës. Drejtuesit e klubit shumë shpejt do ta zyrtarizojnë trajnerin e ri që do t’a udhëheq skuadrën në vazhdim.”, shkruan klubi Drenica.
Ndeshjet sot, Kupa e Kosovës:
13:00
Istogu- A&N
Trepça 89′- Llapi
Njoftimi i klubit të Drenicës: