Tentuan ngjitjen, alpinistët shpallen të vdekur

Tre alpinistët e zhdukur prej dy javëve në ngjitjen e K2 në Pakistan, duke përfshirë Kilin Juan Pablo Mohr, shpallen të vdekur, njoftuan të enjten autoritetet pakistaneze, duke i dhënë fund operacioneve të shpëtimit.

Mohr, Islandez John Snorri dhe Muhamed Ali Sadpara, i cili filloi pjesën e fundit të ngjitjes së majës së dytë më të lartë në botë (8,611 metra) më 5 shkurt, nuk kanë treguar shenja jete që nga ajo kohë.

“Të gjithë meteorologët, alpinistët dhe ekspertët në ushtrinë pakistaneze arritën në përfundimin se një qenie njerëzore nuk mund të jetojë kaq gjatë në kushte kaq ekstreme. Kjo është arsyeja pse ne shpallim se ata kanë vdekur, ”tha Raja Nasir Ali Khan, Ministri i Turizmit për rajonin Gilgit-Baltistan (në veri), ku gjëndet K2, në një konferencë për shtyp.

Ndërkaq,dy alpinistë vdiqën këtë vit në K2, ku kushtet e motit të dimrit ishin të vështira, me erëra që mund të arrijnë 200 km / orë dhe temperatura që mund të ulen në -60 ° C.

Spanjolli Serxhi Minjote vdiq në janar pasi pësoi një rrëzim fatal ndërsa po zbriste drejt kampit bazë, në të njëjtën ditë kur një ekip alpinistësh nga Nepali arriti ngjitjen e parë të këtij mali në dimër.

Në fillim të shkurtit, Bullgari Atanas Skatov vdiq në një aksident kur po ndërronte litarin.