Duka uron Ademin dhe mbarë Kosovën
Në ditën e festës së Pavarësisë së Kosovës shtet, presidenti i Federatës Shqiptare të Futbollit, Armand Duka, nëpërmjet një telegrami, ka uruar presidentin e Federatës së Futbollit në Kosovë, Agim Ademi, komunitetin e futbollit Dardan si dhe të gjithë qytetarët e Kosovës për 13-vjetorin e Pavarësisë.
Në përshendetjen e tij Z Duka evidenton faktin që tani Kosova në futboll, është anëtare e rregullt dhe me të drejta të plota të FIFA-s dhe UEFA-s. Kreu i FSHF-së shton se ecuria e pozitive e Kosovës në sport, e ka ndihmuar vetë shtetin për tu njohur më me shpejtësi në arenën ndërkombëtare.