Ademi takon Shaland në Zyrih, plan konkret
Përfaqësuesja e Kosovës pasi u shortua në Grupin B të Botërorit ‘Katar 2022’ nis të mendojë për projektin afat shkurtër por dhe afatgjatë lidhur me skuadrën dhe projektin e saj.
Në këtë linjë, Presidenti i FFK-së, Agim Ademi i shoqëruar nga përfaqësues të tjerë të Federatës, kanë takuar në Zyrih trajnerin aktual të Kosovës Bernard Shaland.
“Në këtë takim, u bisedua në detaje për gjithçka që e pret Kombëtaren A gjatë vitit 2021, duke filluar nga diskutimi për shortin për ndeshjet kualifikuese për Kampionatin Botëror të vitit 2022, si dhe nivelin organizativ brenda ekipit. Ishte konstatim i përbashkët se duhet të krijohet një plan konkret i veprimit gjatë kësaj kohe”, shkruan Klan Kosova.
“Presidenti Ademi dhe përzgjedhësi Challandes, diskutuan po ashtu jo vetëm për ndeshjet kualifikuese, por edhe për miqësoret e shumta që Kosova do t’ i zhvillojë gjatë vitit 2021, por edhe për situatën aktuale të futbollistëve të Kombëtares nëpër klubet e tyre”, thuhet më tej.
