Maqedonia e Veriut pezullon futbollin…

Federata e Futbollit në Maqedoninë e Veriut njofton se ndryshimet e protokollit Sanitar për shkak të shtimit të rasteve me COVID-19, e kanë detyruar të anulojë ndeshjet e javës së 11-të të kampionatit fqinj.
Njëherazi, hyrja në fuqi e Protokollit të Përgjithshëm për organizimin e ndeshjeve përbën pikën e dytë ku FFM mbështetet për të ndaluar përkohësisht futbollin.
Ndërkaq veç futbollit janë dhe disa sporte të tjera si hendbolli të cilat pezullohen. Nga ana tjetër edhe kryerja e tamponit para çdo ndeshjeje nga klubet, përbën një problem jo të vogël buxhetor.
Për t’u theksuar se pas 10 javëve në ‘Prva Liga’, kryeson Shkëndija e Tetovës së bashku me Shkupin me nga 22 pikë.