…edhe Gatuzo, ‘tërmeti’ në majën e futbollit italian nuk njeh limit

Tronditja e futbollit italian pas dështimit për të shkuar në Botërorin 2026 i prek të gjithë. Pas largimit të presidentit të FIGC Gabriele Gravina dhe Xhixhi Bufon sot ishte radha e largimit zyrtar të trajnerit Xhenaro Gatuzo.

Në thelb nuk kishte asnjë dyshim për vazhdimin e qëndrimit të tij si trajner i Italisë që nga vërshëllima e fundit e ndeshjes në Zenica. Vendimi erdhi menjëherë pas tërmetit që tronditi FIGC-në, me dorëheqjen e Presidentit Gravina, të shoqëruar nga ajo e Bufon, kreut të delegacionit të Axurrëve, por kjo kishte qenë tashmë në mendjen e Gatuzos që kur skuadra nuk arriti të kualifikohej.

Gara për pasardhës tani është duke u zhvilluar: kandidatët më të mundshëm për të udhëhequr rimëkëmbjen e Italisë janë aktualisht Roberto Mançini, Maks Alegri, Simone Inzagi dhe Antonio Konte. Ky vendim do të merret pas 22 qershorit, ditës së zgjedhjes së presidentit të ri të federatës. Ndërkohë, Baldini, trajneri i U21, mund të drejtojë gjithashtu Axurrët në mënyrë të përkohshme në miqësoret e verës kundër Luksemburgut dhe Greqisë.

Gatuzo largohet nga ekipi kombëtar, thuhet në deklaratën e FIGC.

“Federata Italiane e Futbollit dhe Gennaro Ivan Gattuso kanë ndërprerë reciprokisht kontratën që e lidhte trajnerin kalabrez me ekipin kombëtar italian të futbollit. FIGC falënderon Gattuson dhe të gjithë stafin e tij për përkushtimin, profesionalizmin dhe pasionin e tyre gjatë nëntë muajve të fundit dhe u uron atyre çdo sukses në karrierën e tyre të ardhshme.”