Arbëria sillet si ekip ‘Prishtine’
Ipko java e 3-të: Besa Pejë-Arbëria 0-3
Dy skuadrat që u ngjitën këtë edicion në Ipko, Besa Pejë dhe Arbëria u ndeshën sot për llogari të javës së tretë të kampionatit elitar në Kosovë.
Arbëria nga Dobraja e Lipjanit duket se do të jetë një kockë e fortë për skuadrat e Ipkos pasi edhe sot ka fituar thellë 0-3 me pejanët. Jo larg gjerografikisht nga Prishtina (më pak se 17 km), ekipi i Arbnor Morinës me gjasë do jetë risia e bukur e kampionatit.
Shënjën e parë Arbëria e dha pikërisht me Prishtinën 1-1 (java e dytë) ndërsa pas fitores në Pejë kundër Besës vendase dhe javën e parë ndaj Trepçia ’89, ka marrë provizorisht vendin e parë në tabelë.
Llugiqi, Koshtanjeva dhe Labinot Ibrahimi, ish-mbrojtësi i Partizanit ishin autorët e tri golave të sotëm të cilët erdhen në pjesën e dytë.
