Shtubina largohet nga Vllaznia, për Egnatian
Klubi rrogozhinas nis të konturohet me futbollistë cilësorë. Mesfushori shkodran ka eksperiencë të madhe në Kategorinë Superiore. Edhe pse e ka nisur nga Kategoria e Parë me Adën.
Një tjetër emër i njohur largohet nga Vllaznia. Në një kohë që kuqeblutë kanë zbritur në fushën për të nisur zyrtarisht përgatitjet për sezonin e ri, sulmuesi anësor, ish-kapiteni Ndriçim Shtubina, është largimi i radhës nga skuadra shkodrane.
Klubi Vllaznia ende nuk e ka zyrtarizuar largimin e 33-vjeçarit Shtubina, por nga rrjetet sociale mësohet, se sulmuesi shkodran ka firmosur dhe do të jetë pjesë e Egnatias së Rrogozhinës në Kategorinë e Parë, e cila këtë sezon do të drejtohet nga trajneri i njohur Gugash Magani.