Ballkani uron Dritën për titullin…
Skuadra e Ballkanit luan në 29 korrik finalen e Kupës së Kosovës me Prishtinën.
Kishin mundësi reale të fitonin titullin e parë në Ipko Superligën e Kosovës. Ballkani i Ismet Munishit, përveç bukurisë dhe rivalitetit që tregoi në 32 javë, kryesoi deri para se pandemia globale të ndalte futbollin në Kosovë.
Dje, Ballkani i Suharekës, udhëhiqte deri në të 95-ën ndaj Gjilanit, por më pas u barazua nga ekipi i Mezanit, çka bëri që titulli t’i shkojë automatikisht Dritës.
Skuadrës tjetër gjilanase, e cila në tri vite fiton dy herë titullin kampion dhe të tretin në histori.
Sot edhe pse Ballkani do ta presë Dritën javën e fundit, të dielën në shtëpi, vjen urimi për rivalin e Dritës. Ballkani jep një shembull të lartë “fair-play”. Skuadra e teknikut Munishi luan në 29 korrik edhe finalen me Prishtinën e Armend Dallkut.
Urimi i Ballkanit në ‘Facebook’
“Urime per Championin e Kosoves FC Drita ,
Suksese ne garat e Champions League, urojm te na perfaqesoj denjesisht
FC Ballkani“
