Përfundon karantina për Boldor e Ferhatin
Në prag të javës së 34-t, ku “demat e kuq” do të përballen në transfertë me “djemtë e detit” të Teutës, radhët e skuadrës kryeqytetase janë shtuar.
Pas 14 ditëve karantinimi, dy futbollistët e infektuar me Covid-19 para disa ditësh, Dejan Boldor dhe Besnik Ferhati, pas testit të dytë kanë rezultuar negative dhe i janë bashkuar ekipit.
Lajmin e bën të ditur vetë klubi i Partizanit, nëpërmjet një njoftimi në faqen e tij zyrtare në rrjetet sociale:
“FK Partizani njofton se dy lojtarët e skuadrës, të cilët rezultuan të parët pozitiv me CODIV-19, Deian Boldor dhe Besnik Ferati, kanë dalë negativ. Të dy pjestarët e ekipit në zbatim të protokollit të miratuar nga Ministria e Shëndetësisë, ditën e premte i janë nënshtruar testit të dytë dhe nga përgjigjet e ardhura kanë rezultuar negative”, njofton klubi kryeqytetas.
Javën e ardhshme, me gjasa trajneri Kalari do të ketë në organikën e Partizanit edhe sulmuesin Çinari dhe mesfushorët Mala e Kote, të cilët vazhdojnë të jenë të karantinuar për shkak se edhe ata kanë rezultuar pozitive me Covid-19.
