U-15: Internacional Tirana e Apolonia, fitues
U zhvilluan sot ceremonitë e ndarjes së kupave për fituesit e grupeve A dhe B në kampionatin Kategoria Superiore U-15.
Në ceremoninë e zhvilluar në Qendrën Stërvitore të Ekipeve Kombëtare në Kamëz, ish-futbollisti i njohur i Tiranës, Alban Tafaj i dorëzoi kupën FC Internacional Tirana, që u shpall fituese e Grupit A.
Gjithashtu, po sot u zhvillua edhe ceremonia e dhënies së kupës për fituesen e Grupit B të Kategorisë Superiore U-15. Ishte sërish Alban Tafaj ai që i dorëzoi kupën Apolonisë, që e mbylli sezonin në krye të Grupit B.
Dy ceremonitë u zhvilluan në përfundim të katër ndeshjeve të vlefshme për fazën “play-off” të Kategorisë Superiore U-15, ku u përcaktuan edhe katër skuadrat gjysmëfinaliste. Në katërshe do të përballen çiftet Internacional Tirana-Tirana dhe Apolonia-Skënderbeu.
Më poshtë, rezultatet e ndeshjeve të sotme të luajtura për fazësn “play-off” dhe “play-out” në Kategorinë Superiore U-15.
“Play-off” / Kategoria Superiore U-15
Internacional Tirana-Sh.F.
Pepa 4-0
Apolonia-Akademia e Futbollit 3-0
Vllaznia-Skënderbeu 0-5
Teuta-Tirana 1-2
“Play-out” / Kategoria Superiore U-15
Shënkolli-Tomori 3-0
Luftëtari-Kukësi 7-0
