Flick: Verner? Goditje e madhe për Çelsin

Çelsi ka bërë një investim të madh me blerjen e sulmuesit Timo Verner të Lajpsigut. I këtij mendimi është Hans-Dieter Flick, trajneri i Bayern Mynihut.

Ai ka folur për këtë ngjarje në një konferencë shtypi, në prag të ndeshjes së javës së 30-të Bundegligës, kundër Leverkusenit, e planifikuar për të luajtur nesër në orën 15:30.

“Nëse është e vërtetë që e kanë marrë, siç më thanë, është një goditje e shkëlqyer për Çelsin. Një blerje vërtet e shkëlqyer”, kanë qenë fjalët e trajnerit bavarez, i cili është vetëm një hap larg nga titulli i kampion në Bundesligë.

Në verën e vitit të kaluar, emri i Timo Vernerit ishte lakuar edhe te Bayern Mynih, por sulmuesi kishte zgjedhur të merrte rrugën që do ta çonte te Lajpsigu.