U takuan në plazh, katër futbollistë në ‘gijotinë’
Salomon Kalou, futbollisti nga Bregu i Fildishtë në forcë të Herthës së Berlinit, tronditi ambientin sportiv dhe më pas u përjashtua dje nga klubi pasi shfaqi pamje nga dhomat e xhveshjes së ekipit duke mos ruajtur distancat fizike.
Situatë e ngjashme po dje në breg të detit në Durrës teksa tre futbollistë, Abazaj, Doka dhe Krasniqi, vizitojnë Vasil Shkurtajin e ‘izoluar’. Lajmi për këtë skandal të karantinimit e bëri publike ‘Panorama sport’ e cila e shoqëron lajmin edhe me një foto buzë detit të 4 futbollistëve.
Nuk dihet nëse klubet e Kukësit dhe Tiranës do të marrin masa me gjobë për lojtarët e pabindur e ‘karantinëprishës’ apo do ta kalojnë në heshtje por një gjë është e sigurtë. Veprime të tilla, dërgojnë ‘ujë’ te mendësia e organeve të shëndetësisë për të mos lejuar aktivitetet sportive.