Shameti ndjek Kukësin, por nuk i sjell fat…
Ylli Shameti iku me pengje nga Kukësi verën e kaluar. 35 vjeçari nga Gjirokastra pas 6 sezonëve me Kukësin teksa fitoi kampionat, Kupë e Superkupë me verilindorët, pranoi verdiktin dhe menjëherë iu bashkua Gjilanit të teknikut Gentian Mezani.
Gjatë takimit Kukësi- Tirana, u pa nën shoqërinë e disa miqëve poshtë tribunës së shtypit në ‘Air Albania Stadium’.
Nuk preferoi të flasë gjatë. Para takimit, u shpreh se dëshiron fitoren e ish-skuadrës së tij Kukësit.
Në fund, tha se Kukësi pati momente të mira, por i mungoi pjekuria për ta mbyllur me tri pikë takimin si pritës.
Te Gjilani në Ipko, është në garë për titullin. Kupat e Europës, objektivi parësor.