Partizani shkëlqen dhe shkëputet në krye
Kategoria Superiore, java e 13-të. Partizani- Laçi 1-0 (Asani 26′)
Në ‘Elbasan Arena’, Partizani i Franko Lerdës bën hapin e madh në krye të renditjes së Kategorisë Superiore. Në përballjen me Laçin, të kuqtë, kanë dominuar për gjatë gjithë takimit duke shënuar një gol e ruajtur kontrollin e lojës.
Moduli fitues i Lerdës, u pa që me masat mbrojtëse teksa kishte planifikuar një markim ekstra për Nuabuezen. Sulmuesin më të rrezikshëm të bardhezinjëve.
Nga ana e tij Laçi me Fangaj (kartonë) dhe Gjoni (në rekuperim) të pamundur për të qënë në fushë, e pati të vështirë të komportohet.
Një dorë negative për planet e Cungut, dhanë edhe mesfushorët që si kurrë në këtë sezon, lanë hapsira, qëndruan larg kundërshtarit e gabuan në ndërtim.
Goli i Asanit, përtej meritës së Partizanit, figuroi një gabim trashanik në qëndër të prapavijes aty ku shumë fanela bardhezi, hezitojnë të largojnë topin.
Më tej Partizani vijoji të kontrollojë e të rrezikojë. Trashi në superformë dhe Asani që përshtjellon në afersi të zonës.
Në fund të pjesës së parë Xhixha humbi një rast ideal për të barazuar, Hoxha bën mjeshtrin e portës duke evituar rrezikun.
Ngulmimi i kurbiansëve në fund të ndeshjes, nuk dha fryte dhe Lerda me skuadrën kampione në fuqi, sheh të shkëputet nga ndjekësit me 4 pikë.