Droni që nuk pati… ‘bateri’
Ndalohet një ‘bandë’ serbe me pekt çekësh. Në prag të takimit të nesërm mes Kosovës dhe Çekisë, një ‘trupë’ e ideuar nga ekstremistë serbë por jo vetëm, pritej të krijonin trazira në Prishtinë.
Tetë shtetasit çekë të ndaluar sot nga Policia e Kosovës e që planifikuan ngritjen e dronit mbi stadiumin “Fadil Vokrri” me mbishkrim “Kosova është Serbi”, kishin veshur edhe maica me fotografinë e presidentit rus Vladimir Putin.
Ata janë kapur në flagrancë falë vigjilencës së Policisë Rajonale të Ferizajt.
Droni dhe flamujt me hartën e Kosovës dhe mbishkrimin “Kosova është Serbi” janë konfiskuar ndërsa çekët po mbahen në ndalim policor deri në një vendim të ri të autoriteteve, raporton Indeksonline. Mësohet se njëri nga çekët e ndaluar ka edhe nënshtetësi të Serbisë.
Ata kishin planifikuar ngritjen e dronit nesër rreth orës 15:00 mbi stadiumin “Fadil Vokrri” kur pritet të zhvillohet loja Kosova-Çekia.
