CR7 shënon, Bufon pret penallti-fiton Juvja!
Juventus mundi Interin me penallti në derbin e parë të vitit të Italisë, luajtur në Nankin të Kinës për International Champions Cup.
Koha e rregullt e lojës prej 90 minutash u mbyll 1-1, pas një autogoli të shkaktuar nga Matijs de Ligt, në të 10-tën dhe të një goli të realizuar nga Kristiano Ronaldo në të 68-tën, pas një devijimi të topit nga Milan Skriniar.
Te penallitë, përcaktues ishte portieri Xhixhi Bufon, që hipnotizoi tri “zikaltër” dhe u priti tri gjuajtje nga pika e bardhë (Ranokia, Longo dhe Borja Valero), duke i dhuruar fitoren e parë Mauricio Sarrit në krye të Juventusit.
Interesant ishte fakti që në stadium dhe jashtë tij, pati konfrontime midis tifozëve kinezë. Fansat e Interit lëshuan shishe uji ndaj fansave të Juventusit, ndërkohë që interistët kishin edhe një parrullë, ku shkruhet: “Vjedhja është ADN-ja e Juventusit”!
