Gjoka: Vendi i dytë, një nga objektivat…

Ernest Gjoka, trajneri i verilindorëve e analizoi kështu fitoren ndaj Kastriotit në mikrofonin e Supersport, fitore nëpërmjet së cilës, Kukësi e mbylli sezonin në vendin e dytë në Superiore.

Objektivi? “Ky ishte një nga objektivat, ta mbyllnim në vendin e dytë. Me këtë fitore, e arritëm sot. Fitorja e sotme, na ndihmon se na mban në ritëm për finale. Sot, nuk ishte ajo që kërkuam, këto të fundit janë ndeshje të lodhshme dhe me stres, por e mbyllëm dhe kemi dy ditë kohë të mendojmë për finalen”.

“Këpuca e Artë” dhe Kupa? “Uroj ta fitojmë edhe trofeun tjetër, shpresoj që trofeu i Reginaldos tërheq edhe të tjerët mbrapa”.

A ishte rrezik sot? “Po, ishte me risk, por donim të mbanim vendin e dytë dhe na detyroi të bëjmë një sforco. Patëm edhe mungesa. Patëm edhe më shumë të huaj në dispozicion, se sa shqiptarë”.