Bylis përgënjeshtron, ne jemi “fair-play”…
Sot në media, rrjetet sociale apo edhe portale, kanë qarkulluar lajme sikur klubi i Bylisit ka nisur merkaton, duke synuar joshjen e futbollistëve të klubit të Luftëtarit të Gjirokastrës.
Kjo i ka bërë drejtuesit e klubit mallakastriot, të cilët para pak ditësh fituan edhe titullin e kampionit të Kategorisë së Parë dhe edicionin e ardhshëm pjesë të Superiores, të reagojnë.
“Përgënjeshtrim!
Nuk ka asnjë të vërtetë që skuadra jonë të jetë në bisedime me lojtarë të Luftetarit, të cilët janë pjesë e një ekipi aktualisht në kontratë! Ne jemi klub korrekt dhe respektojmë “Fair-Play” në çdo aspekt!
Nuk bëhet fjalë që të kemi negociata me portierin Ruci apo të tjerë lojtarë!
Lajmi i vetëm është që kemi zyrtarizuar dhe rinovuar për 3 sezone me nigerianin dhe një nga lojtarët më të mirë, Beji Antoni!”, – shkruhet në deklaratën e klubit ballshiot të Bylisit, botuar në faqen e tij në “facebook”.