Broja rikthehet te Ipsuiç, gati kontrata
Armando Broja te Ipsuiç Taun, ndoshta është momenti i duhur. Sulmuesi shqiptar ishte gati të largohej nga Çelsi një javë më parë por marrëveshja me klubin e sapo promovuar në Premier League u anulua për shkak të një problemi të zbuluar gjatë ekzaminimeve të tij mjekësore. Një pengesë e cila, sipas Sky Sports UK, është zgjidhur në orët e fundit.
Broja duhet të lëvizë me formulën e huazimit, me klubet që kanë diskutuar mundësinë e vendosjes së një të drejte e cila mund të kthehet në detyrim me arritjen e kushteve. Paga e tij duhet të mbulohet plotësisht nga blutë.
Lojtari i lindur në vitin 2001, i konsideruar gjithmonë talent, luajti 38 ndeshje të ekipit të parë, 38 me Southampton, 34 me Vitesë (Eredivisie) dhe 8 me Fulhem, duke shënuar respektivisht 3, 9, 11 dhe zero gola.
Në kombëtare ka 23 paraqitje për Shqipërinë dhe 5 gola, përveç 6 ndeshjeve në U21 dhe 7 me U19, me të cilat ka shënuar 4 dhe 6 gola. Produkt i Akademisë së Londrës, ai e kaloi gjysmën e dytë të sezonit të kaluar në formë huazimi te Fulhem dhe ishte ndër lojtarët që stërviteshin veçmas nga ekipi i parë pasi nuk ishte pjesë e planeve të menaxherit të ri, Enzo Mareska. Në të kaluarën, Milani, Juventusi dhe Napoli ishin gjithashtu në bisedime me shqipatrin.
