U15/ Femrat dështojnë ndaj Estonisë
Shqipëria U15 për femra luajti këtë të enjte sfidën e fundit kundër Estonisë, e vlefshme për turneun ‘UEFA Development’ për këtë grupmoshë, që u zhvillua në Shqipëri në datat 12-17 nëntor.
Vajzat kuqezi u mundën me rezultatin 7-0 në këtë ndeshje të tretë dhe të fundit të këtij turneu zhvillimor për këtë grupmoshë.
Ndërkaq, sipas rregullores së UEFA-s, në sfidat e vlefshme për këtë turne, të gjitha futbollistet e grumbulluara duhet të aktivizohen dhe të luajnë disa minuta, e për këtë arsye, në formacionin titullar kuqezi pati një rrotacion total.
Trajneri i Kombëtares deri në 15 vjeç Kreshnik Krepi e nisi ndeshjen me këtë formacion:
Lusia Krraba, Imelda Ara, Adile Sharka, Albina Tashi, Gelda Kadiolli, Orgesa Reci, Klausia Murataj, Selena Mica, Besarda Guri, Erina Bajramaj, Besmira Fezollari.