Vandalizmi/ Degjeneron futbolli në Kroaci, Hajduk rrezikon rëndë
- Një pjesë e tifozëve në tribunën veriore, çanë rrethimin dhe hynë në fushë. Ndërhyn policia.
- Trazira dhe situata të frikshme në tribuna, me vandalizimin e zbritur në fushë gjatë Hajduk- Dinamo Zagreb. Pritet një dënim i rëndë për Hajdukun e Splitit, i cili në përballjen e mbrëmshme për gjysmëfinale të Kupës, u mund 0-1.
Është e qartë se klubi i Splitit do të dënohet me të paktën një gjobë dhe është e sigurt që dënimi do të jetë ndoshta një tribunë veriore bosh, apo një stadium i tëri bosh.
Ndeshjet e luajtura në HNL (kampionati kroat) janë në kompetencë të gjyqtarit disiplinor Alan Klakoçer, duke qenë se është ndeshje Kupe, këtë herë në krye është Komisioni Disiplinor i HNS, president i të cilit është Marko Smolek.
Kujtojmë se pasi Hajduk u mposht nga Dinamo për herë të dytë brenda tre ditësh (0-1 në të dy rastet), kësaj radhe në gjysmëfinalen e Kupës së Kroacisë, një pjesë e njerëzve në tribunën veriore, çanë gardhin dhe hynë në fushë.
Ata janë nisur me synimin për t’u marrë me Bad Blue Boys, por gjithçka është penguar nga policia e ndërhyrjes që i ka larguar.
Pasi u kthyen në tribunë, ata filluan të hedhin në drejtim të policisë gjithçka që u binte në dorë. Në fushë fluturonin karrige, gotat e birrës, dhe gjithëçka gjëndej në dorën e tyre. Pamjet e servirura nga ‘X’ janë të frikshme. /Sportiim.al/
