Nis faza e tretë, Kategoria e Parë e gjitha në…fushë
Pas përfundimit të dy fazave të para, sot Kategoria e Parë nis me ndeshjet e para të fazës së tretë përpara se 12 ekipet e inferiores të mësojnë verdiket e fundsezonit.
Sipas formulës së përcaktuar nga Departamenti i Garave, ndeshjet e sotme do të jenë miksim i skuadrave të gjysmës lart, si pritëse, me ato që vijnë nga kahu tjetër i renditjes.
Në këtë ballfaqim të parë, të raundit të fundit sezonal, spikasin duelet e Fierit dhe Peshkopisë aty ku dhe skuadrat respektive konsiderohen më të ekulibruara.
Për Bylis dhe Akademinë e Futbollit Elbasani, shorti sot i’u jep mundësinë e mirë për të ruajtur trendin e fitoreve (në letër) e për të qëndruar si binomi absolut i kreut në rrugëtimin drejt ngjitjes në Superiore.
Ndërkaq ndryshe nga sa ishte përcaktuar fillimisht, dueli në ‘Elbasan Arena’ mes AF Elbasanit dhe Luzit 2008, do të startojë jo në 17:00 por në orën 18:00. /Sportiim.al/
Kategoria e Parë, Java e 23-të
13.30
Apolonia- Kastrioti
Bylis- Tomori
Vora- Besa
Flamurtari- Burreli
Korabi- Lushnja
AF Elbasani- Luzi 2008 18:00
