Vllaznia- Partizani zgjon Shkodrën, java nis nga Laçi
Krysfida zhvillohet në Shkodër, pritet dyndje e madhe e tifozerisë. Tirana përballet me korçarët me dy klubet pa…merkato
‘Abissnet Superiore’ sot në xhiron e 21-të. Praktikisht gara ka hyrë në fazë deçizive ndërsa të 10 ekipet e elitës në ditët e fundit të merkatos së janarit, kanë ‘përveshur’ mëngët për ta hedhur ‘topin’ sa më larg…
Kjo javë nis me duelin Laçi- Teuta dhe starton në orën 13:30. Pak orë më vonë supersfida e ‘Loro Boriçi’-t aty ku Vllaznia rekordmene e këtyre javëve të fundit (5 fitore radhazi, vendi i tretë në tabelë) pret Partizanin e vendit të dytë.
Paralelisht zhvillohet në ‘Air Albania’, Tirana- Skënderbeu me dy skuadrat e vetme që e kanë të ndaluar të kryejnë afrime në këtë sesion të merkatos (dënuar nga FIFA me nga tre sesione në fakt).
Të hënën e 21-ta, kalendaron takimet Egnatia-Erezeni 13:30 dhe Dinamo-Kukësi në 17:00 për t’u zhvilluar në Durrës.
Sot:
Laçi- Teuta 13:30
Vllaznia-Partizani 17:00
Tirana- Skënderbeu (në ‘Air Albania Stadium’) 17:00
Të hënën:
Egnatia- Erzeni 13.30
Dinamo Siti- Kukësi (në ‘Niko Dovana’)