Hasani para mediave, nesër ndeshja e parë zyrtare me Rapid…
Kampionati rumun rinis nesër, flet Florent Hasani: ‘Te Rapidi atmosfera fantastike’
Ish sulmuesi bardheblu Florent Hasani (10 gola me Tiranën këtë edicion) është prezantuar zyrtarisht si lojtar i ri i klubit rumun, Rapid Bukuresht gjatë dhjetorit 2023.
Krahas tij te Rapidi, u afrua edhe (ish futbollisti i Ballkanit) Ermal Krasniqi nga Kluzh (te Rapid aktivizohet edhe Albion Rrahmani) dhe së bashku me kroatin Damjan Xhokoviç e serbin Borisav Burmaz, folën sot para takimit që skuadra e tyre do të luajë nesër në orën 19:00 ndaj Universitatea Krajovë 1948.
Florent Hasani tha:
“Jam i lumtur që jam në Rapid. Vendosa me zemër të jem këtu. Mendoj se kemi një ekip me cilësi. Do të luftojmë për vendet e para. Duhet të jemi të përgatitur fizikisht dhe mendërisht. Nesër do të luajmë për të fituar. Ne do të japim 100%. Atmosfera është fantastike këtu”.
Më tej foli edhe Ermal Krasniqi:
“Jam i lumtur që jam këtu. Mezi pres të luaj nesër. Tifozët e dinë, sepse kam luajtur me CFR kundër Rapidit”. Sakaq Rapid gjëndët në vend të 4 ndërsa rivali në pozicionin e 9-të të ligës rumune.