Feliks nuk ‘ndihet’, Abelardo kritika të drejtpërdrejta
Pas një fillimi bindës të sezonit, Barcelona ka filluar të ketë dyshime për Zhoao Feliks. Sulmuesi portugez ishte një element themelor në javët e para, por në muajin e fundit performanca e tij ka rënë ndjeshëm.
Edhe ditën e djeshme ndaj modestit Barbastro, ish-lojtari i Çelsit dhe Atletiko Madrid nuk arriti të ndikojë dhe u zëvendësua në pjesën e dytë.
Një paraqitje e vlerësuar negativisht nga ish-lojtari i Blaugrana, Abelardo: “Gjëja më e keqe nuk janë gabimet që ai bën, por qëndrimi që tregon pas çdo gabimi. Qëndron pa lëvizur.
Kjo jep një imazh të keq, nëse e humb topin, duhet të luftosh menjëherë për ta rikthyer, por në vend të kësaj ai qëndron në vend”, tha ai duke ju referuar portugezit.