Vëzhgimi/ Mister, Italia po t’i lë në stol kampionët…

• Në fillim të vitit 2024 do të shihet qartë nëse vërtetë Italia ‘luan’ me kartën e (jashtë) formës së futbollistëve të Shqipërisë

Nga Isuf Myrtaj

Shorti i fazës finale “Euro 2024′, e vuri Shqipërinë në Grupin B së bashku me Spanjën, Kroacinë dhe Italinë. Mbase rastësi por për lojtarët kryesorë të Shqipërisë që aktivizohen në Itali, këtë javë, nisën reduktimet e minutave të tyre në lojë. “Gjueti” italiane apo rastësi…?

Pasqyra e aktivizimit nga data 2 dhjetor:

Kristjan Asllani (Inter); Inter nuk i jep asnjë minutë në ndeshjen Napoli- Inter (0-3).

Berat Gjimshiti (Atalanta); Aktivizohet titullar me Atalantën ndërsa dëmtohet në minutën e 19-të.

Ylber Ramadani (Leçe): Javët e kaluara titullar absolut. Në sfidën me Bolonjën zëvëndësohet në pjesën e dytë (77′).

Elseid Hysaj (Lacio); Nuk luan ditën e shortit në kampionat, aktivizohet 90′ në Kupë me Bolonjën.

Marvin Çuni (Frozinone): Ndaj Milanit aktivizohet deri në minutën e 66′.

Etrit Berisha, Ardian Ismajli (Empoli); Luajnë rregullisht në ditën e shortit (2 dhjetor) me Xhenoan në transfertë (1-1).

Nedim Bajrami (Sasuolo); Mesfushori kuqezi një ditë pas shortit i tregohet stoli në Sasuolo-Roma (1-2). Trajneri Dionisi i jep vetëm nëntë minuta në fund.

Elhan Kastrati (Çitadella) U aktivizua 90′ në 2 dhjetor…

Në Spanjë:

Myrto Uzuni (Granada); Luan 63 minuta ndaj Realit. Disi e çuditëshme…

Ivan Balliu (Vajekano); Mbrojtësi kuqezi dje qëndroi për 90′ minuta në stol në ndeshjen e Kupës.

Keidi Bare (Espanjol); Fieraku kuqezi aktivizohet 90′ në ndeshjen e Kupës së Mbretit përballë Vajadolidit (3-1).