Juve mund Kaljarin, Leçe ndal Milanin mes…polemikave
Juventus kaloi sot Kaljarin në Torino 2-1 duke marrë vendin e parë në Serie A. Në mbërmje Monza-Torino 1-1. Më herët Leçe tronditi Milanin duke marrë një pikë kur ishte duke humbur 0-2. Një gol i tretë për Leçen e Ylber Ramadanit, u anulua për faul çka hapi polemika të shumëta te kampi leçez.
Pas ndeshjes sulmuesi Sansone tha për mediat:
“Nuk dua të komentoj, është diçka për arbitrin. Është një turp i madh, na duheshin këto 3 pikë si buka e gojës.”
Kështu sulmuesi i Leçes, Nikola Sansone, u shpreh në fund të ndeshjes që përfundoi 2-2 ndaj Milanit. “Goli? Ishte i bukur, do të ishte më mirë ta fitonim ndeshjen. I jam shumë mirënjohës Leçes, ka një shpirt të madh në këtë ekip, edhe nëse jemi në vështirësi nuk dorëzohemi kurrë”, shtoi Sansone.
