Merkatoja/ Klube me lëvizje minimale, trajnerë ende në pritje
![](https://sportiim.al/wp-content/uploads/2021/09/Logo-abissnet-1.png)
Ildi Gruda, Darko Dodev (Vllaznia), Rustem Hoxha (Dinamo), Ronald Sobovale (Laçi), Gentian Selmani, Kaina Nunjes, Erhun Obanor (Tirana), Albiers Keko (Partizani), Stivian Janku (Egnatia), janë disa nga emrat e afruar deri tani në këtë merkato vere në Abissnet Superiore.
Këta janë ata emra mbi tavolinë pasi shumë klube, me traditën për të mos i nxjerrë në “shesh” lëvizjet e mundshme, janë duke zier nën “rrogosë”. Megjithatë është ende herët për të folur për finalizime.
Partizani kampioni i ri i Superiores ka shtyrë jo vetëm emrin e ndonjë përforcimi por dhe çështjen e trajnerit.
E kundërta ngjet me Tiranën e cila jo vetëm që mbajti Shehin në timon por ka nisur zyrtarizime të rëndësishme. Të tjerat ecin me pikatore. Madje ka skuadra si Kukësi dhe Laçi që kanë larguar gjysmën e grupit…
Problem me vete janë klube të cilët ende vuajnë trajnerët. Të kuqtë duket se do të ulin në stol kroatin Zoran Zekiç por deri tani zyrtarisht asgjë. Në pikëpyetje pozita e Hallaçit te Kukësi sepse dhe verilindorët ende nuk janë ulur për një analizë sezonale.
Te Laçi, Nica nuk dihet nëse do vijojë apo jo por dera e durrsakut konsiderohet gjithnjë e hapur te bardhezinjtë. Më keq akoma situata te Erzeni i cili pas largimit të Kapllanit u drejtua nga ndihmësi i tij Deliallisi. Situatë e njëjtë te Teuta. Martini e dorëzoi stafetën ‘numër 4’./Sportiim.al/