Mançester Junajtid në shitje, Al Kelaifi këshillon palët

Një artikull i ‘The Athletic’ lidh ofertën për blerjen e klubit të Mançester Junajtid nga Sheikh Jassim (emri i plotë, Sheikh Jassim bin Hamad Al Thani). Në mes, duket se qëndron me rolin e këshilltarit presidenti i PSG-së Naser Al Kelaifi

Bosi i skuadrës parisiene është takuar me familjen Glazer, pronarë të Djajve të Kuq, për të diskutuar marrëveshjen përfundimtare. Megjithatë, ka disa Shoqëri në Premier League që kërkojnë një hetim nga divizioni i lartë anglez për të kuptuar origjinën e fondeve pas propozimit të sheikut.

Në fakt, familja Glazer, e nxori në shitje klubin nëntorin e kaluar dhe konkursi i ofertës për të blerë klubin e Premier League shpejt erdhi në një garë midis fondacionit Nine Two të Sheikh Jassim dhe miliarderit britanik, Sir Jim Ratcliffe.

Ofertuesit e Sheik Jassim fillimisht u konsultuan me Al-Kelaifi për këshilla mbi vlerësimin e Junajtid pasi pronarët Glazer thanë se donin 8 miliardë dollarë (6.4 miliardë £) për klubin.

Më tej kreu i PSG-së, një nga njerëzit më të fuqishëm në futbollin global, është kontaktuar më pas nga Glazer në një përpjekje për të bindur Sheikh Jassim për të rritur ofertën e tij.

Al-Khelaifi, duke vepruar në një rol këshillues për ofertën e Sheikh Jassim, është takuar me Glazers and Raine Group, bankën amerikane që po kryen shitjen në emër të familjes me bazë në Florida, për të diskutuar blerjen e propozuar./ Foto: Twitter/ Sportiim.al/