Ndalet Skënderbeu, Korabi tri pikë…
Kategoria e Parë, Java 20:
Luzi 2008 – Besa 2-2
Turbina – Lushnja 1-1
Korabi – Tërbuni 1-0
Besëlidhja – Skënderbeu 0-0
Tomori – Burreli 1-0
Ka startuar java e 20-të e Kategorisë së Parë me pesë sfida të zhvilluara ditën e sotme. Barazim mes katër golash në përballjen Luzi 2008 – Besa. Vendasit fiksuan baraspeshën në limite duke bërë që skuadrat të ndajnë nga një pikë në këtë derbi rajonal.
Mes tensionit, Korabi kaloi Tërbunin falë një 11-metërshi të kthyer në gol nga Beshiraj gjatë pjesës së dytë. Dibranët ngjiten të katërtët me 32 pikë duke rivalizuar me Dinamon e Flamurtarin që luajnë përballjen direkte të hënën.
Barazim pa gola në Lezhë mes dy ekstremeve, Besëlidhjes dhe Skënderbeut. Korçarët ruajnë ende kreun e klasifikimit, ndërsa lezhjanëve nuk ju mjafton 1 pikë për të braktisur vendin e fundit.
Sakaq, Turbina arriti të barazonte në fund të sfidës duke i rrëmbyer një pikë Lushnjës, ndërsa beratasve të Tomorit i mjaftoi një gol për të siguruar fitoren ndaj Burrelit.
