Shifra rekord, Fernandez zyrtarisht i Çelsit
Klubi largoi Zhorzhinjon drejt Arsenalit dhe afroi asin argjentinas për një shifër rekord (105 milion paund).
Çelsi gjeti formulën e afrimit të Enzo Fernandez nga Benfika te skuadra e pronarit Tod Bohli.
Kampioni i botës me Argjentinën kishte shfaqur hapur dëshirën për tu larguar nga luzitanët duke përdorur shpesh mënyra të tërthorta vetëm për të lëvizur nga Lisbona.
Në fund verdikti: Mesfushori 22 vjeçar arrin kontratën e ‘vitit’ teksa klubi i ri shpenzoi 120 milion euro për kartonin e tij.
Me vizitat mjekësore të kryera dje në Lisbonë dhe me axhendën e prezantimit në vijim nga Çelsi, Fernandez kthehet në lojtarin më të shtrenjtë në ishull. Grilish mbante këtë rekord ndërsa në 2021 nga Aston Vila kaloi te Siti.
