Bellai ikën nga Bylis
![](https://sportiim.al/wp-content/uploads/2023/01/IMG-20230122-WA0015-1024x550.jpg)
Një ditë pas humbjes së thellë në “Air Albania” përballë Tiranës (4-1), Bylis ka ndërprerë bashkëpunimin me trajnerin Arian Bellai.
Vetë klubi ballshiot ka njoftuar se në dakortësi me Bellain kanë mbyllur marrëveshjen pas ecurisë jo të mirë të ekipit në ndeshjet e fundit duke e falenderuar teknikun 51-vjeçar për kontributin e tij.
Sakaq, presidenti Kapllanaj nuk ka vonuar në konfirmimin e timonierit të ri që nga nesër do të jetë Naxhi Shensoi. 64-vjeçari nuk vjen për herë të parë në Ballsh, pasi drejtimin e Bylisit e ka pasur edhe në sezonet 2011-2012 dhe 2012-2013.
Në kampionatin shqiptar, Shensoi është ulur dhe në pankinën e Kukësit ndërsa ka një CV të pasur edhe me ekipe turke por jo vetëm.