Europa ndizet nga rivaliteti, Ronaldo i përjashtuar nga Ten Hag

• Bollëk ndeshjesh këtë të shtunë në kampionatet kryesore të Europës. Gara sa vjen e bëhet më e fortë e ndeshjet akoma më interesante. Me mjaft pritshmëri duelet Çelsi- Junajtid, Real Madrid -Sevilja ndërsa Milan-Monza me të veçantën e madhe ku dyshja Berluskoni- Galiani tashmë në krye të klubit të Monzës do të përballen me lavdinë e tyre të së shkuarës, Milan.

Nga: Sara Gjidiaj

Ngre siparin në Angli Liverpul që do të ketë përballë vendin e fundit në tabelë, Notingham Forest ndaj të cilit fitorja është detyrim për skuadrën e Klop. E fortë parashikohet edhe përballja mes Sitit dhe Brajton teksa vëmendja përqendrohet te “beteja” Çelsi – Mançester Junajtid në 18:30. Aty ku përveç dualitetit në fushë, pritet të shihet dhe situata e ‘Djajëve’ pas masave të klubit mik ndaj Ronaldos

La Liga hap javën e 11-të me katër sfida ku spikat ajo e mbrëmjes, Real Madrid – Sevilja edhe pse Sevilja nuk po kalon momentin e saj më të mirë dhe e sheh vetën në gjysmën e dytë të klasifikimit.

Vijon xhiroja e 11-të edhe në Serie A. 3 përballje në program me Salernitana – Specia që nis në 15:00, ndjek Milan – Monza në 18:00 dhe mbyll Fiorentina – Inter në mbrëmje.

Sakaq, Bundesliga vjen me përballje direkte. Dallojnë Hofenhaim – Bajern Mynih dhe Borusi Gladbah – Eintraht Frankfurt.

Kalendari:

Premier League:
Notingham – Liverpul 13:30
Everton – Kristal Palasë 16:00
Mançester Siti – Brajton 16:00
Çelsi – Mançester Junajtid 18:30

La Liga:
Rajo Vajekano – Kadiz 14:00
Real Vajadolid – Real Sociedad 16:15
Valencia – Majorka 18:30
Real Madrid – Sevilja 21:00

Serie A:
Salernitana – Specia 15:00
Milan – Monza 18:00
Fiorentina – Inter 20:45

Bundesliga:
Augsburg – Lajpcig 15:30
Bajer Leverkusen – Volfsburg 15:30
Borusia Dortmund – Shtutgart 15:30
Frajburg – Verder Bremen 15:30
Hofenhaim – Bajern Mynih 15:30
Borusia Gladbah – Eintraht Frankfurt 18:30

Ligue 1:
Montpelje – Lion 17:00
Marsejë – Lens 21:00